Оюу нь 12 сарын чулуу бөгөөд тэмдэглэлт өдрийн 5 жилийн ойн чулуу. Оюу чулуу зүүсэн бүсгүй хүн өөртөө итгэлтэй, тансаг харагддаг. Энэ чулууг хүмүүс эрт дээр үеэс хэрэглэн ирсэн бөгөөд тэнгэрийн хэлтэрхий, бурханд зориулагдсан чулуу хэмээн билэгшээдэг байжээ. Мөн  оюуг нөхөрлөлийн бэлэг тэмдэг гэдэг ба сайн найздаа бэлгэнд өгвөл зүүсэн хүнээ муу зүйлсээс хамгаалан, бас аз авчирдаг гэдэг юм байна.

Оюу чулуу нь гүн цэнхэрээс цайвар ногоон хүртэл өнгөтэй байдаг. Жишээ нь оюу чулуун дахь зэсийн хэмжээ нь ихэсхээр чулууны өнгө хөх болж хөнгөн цагаан ироны хэмжээ нь их бол ногоовтор өнгөтэй байна. Хамгийн гүн цэнхэр өнгөтэй судал багатай нь их үнэтэй байдаг ч энэ чулууны хувьд төгс өнгө гэж үгүй юм.

Түүхий оюу нь гоёл чимэглэл хийхэд хэт зөөлөн байдаг учир түүнийг хатуулаг чанарыг ихэсгэхийн тулд химийн олон янзын аргаар янзалдаг. Гэхдээ химийн аргаар янзалсан оюу болон дууриамал оюу хоёр нь өөр зүйл юм.

Дэлхийн зах зээл дээр 10 хувь хүрэхгүй хэсэг нь жинхэнэ байгалиараа оюу байдаг. Тэдгээр нь өндөр чанартай хатуулаг сайтай чулуунууд байх учир янзалгаа шаарддаггүй зөвхөн засаж хэлбэрт оруулан зүлгээд гоёлд хэрэглэдэг байна. Жинхэнэ байгалиар бөгөөд судал багатай оюу нь хамгийн үнэд хүрдэг.

Маш их дууриамал оюу гадуур зарагддаг. Дууриамал оюуг пластик юмуу эсвэл өөр чулуунаас гарган авдаг.

Оюу чулууны төрлүүд:

Нойрсож буй гоо оюу (sleeping beauty turquoise): Энэ оюу нь одоогоор хамгийн үнэтэй оюун төрөл бөгөөд Америкийн Аризона мужид олборлодог, гүн цэнхэр өнгөтэй оюу.

Янзалсан оюу (stabilized turquoise): Оюуг хатуулаг чанарыг нь сайжруулхын тулд химийн аргаар янзалдаг гэж дээр дурдсан. Янзалсан оюу нь жинхэнэ оюунаасаа хямд боловч бусад төрлийн оюунаасаа үнэтэй байдаг.

Шохойн оюу (chalk turquoise): Энэ нь хятадын цагаан оюуг өнгөнд оруулсан байдаг. Энэ төрлийн оюу нь жинхэнэ оюутай адилхан бүтэцэй боловч зэс агуулагдаагүй байдаг. Гадуур гоёл чимэглэлд энэ төрлийн оюуг маш өргөн хэрэглэдэг.

Дууриамал оюу (imitation turquoise):

Африк оюу (african turquoise): Энэ нь яг оюу биш бөгөөд хашийг өнгөнд оруулан гарган авдаг. Оюутай төстэй харагддаг учир оюу гэж нэрлэдэг.

Шар оюу (yellow turquoise): Энэ нь оюу байгаа газраас олддог нэг төрлийн хаш чулуу бөгөөд түүнийг шар оюу гэж нэрлэдэг.

Ховлит оюу (howlite turquoise): Ховлит чулууг өнгөнд оруулан оюу чулууны дууриамлийг гарган авдаг.

Цагаан оюу (white turquoise): Энэ нь цагаан магнасит гээд чулуу бөгөөд заримдаа цагаан оюу гээд байдаг үүнийг өнгөнд оруулан оюу чулуун дууриамлийг гарган авна.